| Serata di Presentazione Cd ad Arsiero |
 |
 |
 |
| Articoli - Stampa |
| Giovedì 13 Dicembre 2007 00:00 |
|
No’ xe na nostra passion scrivare o parlare, de solito par dirghe calcossa ai altri lo fasemo col silensio e la nostra presensa.Ma stasera non podendo vegnere e fursi non ghe sarissimo gnanca stà tuti quanti qua rento, a ghemo pensà de scrivarve. Volemo dirve grassie cari tusi: grassie par el vostro scrivare, el vostro cantare e sonare. Grassie parchè scrivì e cantè de noialtri che non gavemo vosse, parchè cantandone ne fasì fare el giro dei paesi anca se non gavemo le gambe. Grassie parchè cantandone ne fasì rispetare, ne valorizè par la storia pasà e par la storia de ancò che tuti insieme ogni dì scrivemo. E tuto questo lo fasì sensa costruire fredi monumenti de cemento ma cantandone: metendo intorno ale vostre parole e ai nostri nomi tabari de calde note e soni che riva da ogni canton del mondo. Bruce Chatwin in te un so libro el descrive la so maraveja par aver scoperto che i aborigeni i ga un canto par ogni sentiero e strada che atraversa el so paese. Lori no’ i riesse a imaginare che un posto no’ possa avere un canto parchè i dixe che .. “ Un luogo esiste proprio dal momento in cui el vien cantà ...”. Noialtri a gavemo pensà che semo proprio fortunà che ghe si’ voialtri Valincantà che ne cantè e ne fasì esistare e volare alto. Ve spetemo, vegnì ancora a catarne e cantarne tute le volte che volì, ve spetemo soto un strisso de luna. Noialtri ve saludemo, mi son la Corona de S.Marco e chi visin de mi xe el Pasubio, l’Astego, el Priaforà col so Buso, Arsiero con la so Fontana, Paralto, ghe xe la Val Posina, la Cità de S.Maria, i Sentieri, la Strada che more in te un Campo e la Contrà del Vento. Non xe na nostra passion scrivare o parlare, de solito par dighe calcossa lo fasemo col silenzio e la nostra presensa. Irma Lovato |
