I boce che siga davanti al porton, le vece che parla dea nova stagion
I omeni zugando ale carte in colona i se desmentega che a casa i g’ha anca na dona.
I tosi se vanta coe tose in tei bar, ste oche lì mute le sta ad ascoltar...
‘scoltare sti mone che altro no’ i sa far che ridare zugare e ciacolar....

Arsiero volemo cantarte così, così come te geri e te si
così indormensà ai pie dei monti pien de pensieri sconti
pien de pensieri sconti.
 
Se te vè in piassa co xe le oto te cati ale Alpi i veci col goto
xe i pensionati che va a far le bale da Tripoli,Barzan o al Nasionale
bestema sti veci zugando ale carte ed ogni altro scarto xe un bianco cheparte
po’ i torna a casa sempre più intristii pensando ai bei tempi che xe za finii....
 
Arsiero sti veci i sta par partir: “- Capisili un poco anca ti”-
i domanda soltanto un poco de ben, e ti te ghe n’è el cuore pien
e ti te ghe n’è el cuore pien.
 
Le vece che va a mesa prima a’e sie meza vestie de nero e coa borsa dea spesa
e dopo mesa le se cata in piasa par dirse do robe quel tanto che basta
le parla de lore dei ani pasà, dea guera dea fame e del poro papà
le dise ch’el fredo se fa za sentire siben che l’inverno g’ha ancor da venire....
 
Arsiero la nebia,i colori sfogà... le nuvole doman pasarà
co’ piove el viale de aqua xe pien Arsiero te volemo ben...