| Contrà del vento |
 |
 |
 |
| Scritto da Administrator |
| Domenica 17 Gennaio 2010 21:17 |
|
Contrà del vento, solo i muri xe restà, le case grise come veci sdentegà. Le ragnadele sora le porte le pare bave de chi no' g'ha pì fià... Contrà del vento abandonà da tanti inverni, da tante istà... co pasa l'aria in mezo ai sasi pare el sospiro de un vecio indormensà Voria contarte de chi no ghe xe più, de chi xe morto, de chi xe 'nda lasù, in tuta Europa par no restare qua a magnar sasi e patate par campar Ma le to piere ormai no scolta più, l'acqua le bagna el mus-cio ghe crese su, chi more solo no g'ha pì gnanca el fià de pianzar sora el ricordo del pasà.Voria vestirte de primavera, de sole caldo, de roso co' vien sera, come le cotole del dì de festa, come i nastrini che se portava in testa... Ma el sole more dedrio la vale, el mus-cio crese come un vecio siale, l'alba e 'l tramonto no riva qua, el vento supia e li porta par de là... Contrà del vento vo via anca mi, zo par la strada de chi no torna pì de drio ch'el monte el sole casca pian, l'aria me porta odore de doman... |
