Ghe xe un bareto in via Mezavila che da nesun xe frequentà
ghe xe un’anziana vecchia signora, te dà el rosolio e un bicer de vin.

Xe el bar Vitoria,l’è picoleto, do finestrele e un balconsin
‘na portesela co’ le coltrine, xe un ostaria de tanti ani fa

Co’ se va dentro xe quasi scuro, nesun se acorze che sen rivà
ma dopo un poco se impissa la luce, la mufa sui muri la vien iluminà

I ciocolatini xe mesi in fila ghe xe pastine de un secolo fa
le xe tignù da tanto tempo che no’e par vere ma imbalsamà

Là el bar Vitoria se g’ha fermà tuto ad un tempo a un secolo fa
quando la zente zugava ale carte e la beveva un litro de vin

No come adeso lasù in colona scomese che vola,stipendi che va
de serto a quei tempi no se pensava de trare via i schei de trare via el pan

Ste pore done no’e te pol dare nè la tivù e gnanca el giubox
ma ‘e te dà insieme a quel rosolio un toco de Arsiero,un toco de cuor
un toco de Arsiero un toco de cuor.