Le stele de note le xe ligà co’e strope... doman ve lo dirò
ma fin che a vaca borla sensa sinquantare a me le sognarò
De santa Caterina el fredo se avisina... a me ripararò
de santa Caterina dala stala ala cusina.....e avanti col filò.

I conta ch’el diavolo l’inverno e l’istà... no li g’ha ancor magnà
e se i dise che de marso ogni mato va descalso...un mato ghe sarà
Ma Dio che ne preserve dal suto de setembre...da’e false religion
che i gropi riva al petene e i riva col bausète...sensa dimostrasion
e tante procession...col suto o l’aluvion...

Farina conservà tuta in tel casson ...xe quea che fa l’union
ma se ghe xe abondansa tuta in te na pansa...ghe xe rivolusion
co’l corpo se frusta l’anema se justa: ” beati i taconà ! “
E quei che ghe n’ha anca pai beati Pauli... xe tuti scarognà

Putei a sete ani, a setanta ancora quei... qua no se crese mai
e come i sachi vodi i discorsi no’i sta in pìe... co’ i spusa de buzie
Come i cavai dei siori comisia a far fadiga co’ i xe scoraià
così par serti veci come cariole rote... strachi e maltratà

La morte g’ha na scusa anca se no xe ora... pai pori disgrasià
e quei che g’ha davero sanità e libertà....xe siori e no’i lo sa!!!
Le stele de note le xe ligà coe strope.. doman ve lo dirò
ma fin che’a vaca borla sensa sinquantare...a me le sognarò
e avanti col filò... e avanti col filò... e avanti col filò...