VIEN ZO DALE VALI CHE DA LORI CIAPA EL NOME
I PORTA DRIO LA VOSSE DELA ZENTE
ZENTE CHE ‘A STA SITA E LA SOFRE IN SILENSIO
ZENTE ABITUA’ A LAVORAR
LAVORAR DE GIORNO PAR PIANZARE DE NOTE
QUANDO I FIOI SIGA CHE I VOL PAN
LAVORAR LA TERA GIASSA’ FIN AD APRILE
CHE FA SUAR SANGUE DALE MAN.
 
EL POSENA E L’ASTEGO I SE CATA ZO ALE SEGHE
E I CIAPA INSIEME LA STRADA VERSO EL MAR
I PORTA DENTRO LORI TANTA AQUA E TANTO PIANTO
EL PIANTO DE DO VALI DESMENTEGA’.
 
I TOSI STUFI DE STA VITA I SCAPA DA LE VALI
E I VA’ A LAVORAR NELE CITA’
I LASSA LA SO TERA IN MAN ALA GRAMEGNA
I CIAPA EL TORNIO INVESE DELA VANGA
I VOLE L’AQUA CALDA I VOL L’ORARIO FISO
MA I G’HA L’INVERNO UGUALE A L’ISTA’.
PRIMA NELA VALE IN MEZO ALA NATURA
I GAVEVA I OCI PIENI DE COLORI
ADESO NELA FABRICA IN MEZO A FRESE E TORNI
I VEDE SOLO FERO OIO E SPORCO
NO’ I VEDE PIU’ L’ALBA E GNANCA EL TRAMONTO
LE LUCI DELE LAMPADE AL SO POSTO.
 
LA STORIA XE TIGNU’ DENTRO L’AQUA DE STI FIUMI
MA NESUN SE FERMA AD ASCOLTAR
ASCOLTAR LA STORIA DE STI PORI CONTADINI
CHE I LAVORA SOLO PAR MAGNAR CHE I LAVORA SOLO PAR MAGNAR