Quando te si co’ mi se fa manco fadiga
me par che tasa el mondo dentro
anca se fora el siga...
quando te si co’ mi l’amore va cantando

E serco el sogno e volo de sora ale pianure,
me staco da sta tera de rabie e de paure
e sento zà che tuto se poe far e che se farà
prima ch’el tempo vaga...

Quando te si co’ mi la boca no’ se move,
qualcosa che no va me bloca le parole
Xe na montagna grande che me nasconde el sole,
un sesto de domande confuse co’ le viole, quando te si’ co’ mi...

Quando te si co’ mi così lontan da mi
no digo queo che so, no’ te do queo che gò ...
L’alito del vento profuma de promese,
me ciapa ma no voio che sia sempre le stese
xe alora che respiro come na spiga al sole
e me caresa l’aria, el senso de sto amore quando te si’ co’ mi...

Xe na montagna grande che me nasconde el sole
un sesto de domande confuse co’ le viole, quando te si’ co’ mi...
Quando mi son con ti così come che son
te digo queo che so te dago queo che gò...

E come a primavera co’ a luce naturale se vede i sasi bianchi in fondo
ale aque ciare, quando te si co’ mi... someja zà che tuto se poe far
e che se farà... prima ch’el tempo vaga...