De drio ‘e spale le to montagne davanti ai oci la pianura,
voja de pianzare de andar via te vien un gropo nela gola
Se te pensi ala to tera magnà fora dale case
se te pensi ai to boschi spassà via dai turisti

Col catrame e col cemento i sta copando la natura
zone verdi xe diventà posti de vilegiatura
Ah se la cambiarà! Ah se la cambiarà!

Te ghè i oci pieni de pianto pieni de cave de cemento
i to boschii xera dei quadri, i te gà ciavà sti ladri
andar via no xe un rimedio ma te salvi almanco el cuore
dalo strasio dele ruspe che te cava sù le piante

Ponti viadoti e autostrade i te gà sbregà sù i monti
co’ le fabriche e i gratacieli i te gà sconto anca el sole
Ah se la cambiarà! Ah se la cambiarà!
Ah se la cambiarà!