Massa strade stasera ghe xe,che va in torno e se ingropa nel’eterno viavai..
Mejo una che mora in te un campo o in contrà
Con tre stele nel cielo e do grili a cantar.

A Paralto sonava l’orchestra intanto ch’el vento cantava(el nono co’a nona balava)
Un lume bastava par la corte e le case
Dele viole el profumo svaniva pian pian.

Massa luci stasera me fa confusion,me indrissa le curve de l’imaginasion
E le strade de note le fasso a memoria
Le gà segni e ilusion de’a me picola storia.

A Paralto sonava l’orchestra intanto ch’el vento cantava
Un lume sciarava la corte e le case
Dele viole el profumo moriva pian pian.

Me capita a volte parfin la magia
de vedar la vita come un’utopia
Così me incamino nel’oscurità
E me pare le rose trovarle in tei prà
.

Così me incamino ne l’oscurità
E me pare le rose trovarle in tei prà.