Quando la luna cambiarà la siera del giorno che tuto intorno nero sarà
Mi sarò in leto da un toco ma coi oci sue stele par contare quele zà consumà

E sarà el gato a cantare e alora su a lavorare che i me gà ciamà
Me pare fora in tei campi a parlare coi santi che ghe dirà
Se ‘l tempo in aqua voltarà

Ma ti picola mia te portarò via dove non so ancora non lo so
No’ importa no - non m’interessa ma – ma sta vita no dà… queo che mi go sognà.

Sachi de tera zà grasa da slargare in terasa, un orto intiero sora el balcon
Me mama zà lo saveva che ‘l profumo de tera de primavera me mancare

E ‘na sirena a sonare e ancora su a lavorare che i te gà ciamà
Così anca mi come tanti a scomodare quei santi che me dirà
Se un giorno el giorno cambiarà

Ma ti picola mia te portarò via dove non so ancora non lo so
No’ importa no - non m’interessa ma – ma sta vita no dà… queo che mi go sognà.

Così se torna a sognare e sempre un galo a cantare che te svejarà
Che dapartuti va uguale un saco sora le spale - la to eredità -
La dignità de la tera - l’onestà de fameja - queo che i te gà insegnà
De tuto el resto zà se sa.

Ma ti picola mia te portarò via dove non so ancora non lo so
No’ importa no - non m’interessa ma – ma sta vita no dà… queo che mi go sognà.

Deghe un baso a la me tera deghe un baso par mi (pachamama)
Deghe un baso a la me tera deghe un baso par mi (pachamama)