Magna e tasi manda zò, magna e scondi el sentimento

buta fora el to tormento tasi, magna buta dentro.

Guere – stupri - no creansa - Tosi e Veci che se sbrana

Gabie vode - no se canta - teste piene...de polenta

Magna e tasi manda zò, magna e scondi el sentimento

buta fora el to tormento tasi, magna buta dentro.

ciacoloni - fanfaroni - ladri come fusse siori

quanti santi sensa luce - quanti cristi ... sensa croxe

basabanchi a tradimento - la pietà che fa paura

bocaloni de lamento - tuti in parte ...tuti al centro

Magna e tasi manda zò, magna e scondi el sentimento

buta fora el to tormento tasi, magna buta dentro.

A gavevo na razon – me pareva fusse belo

Saludare col capelo - ‘ndare in cesa ale orazion

Me scornavo col nemigo - me perdevo in te na giossa

Me sognavo quela rosa - fogo in corpo ma ve digo...

Stavo ben col me destin - la minestra sempre calda

la memoria ancora salva - le sireze bele rosse

Stavo ben col me destin - un fià in disparte,un poco in mezo

Stavo mejo stavo pezo - come steto desso ti?

magno taso mando zò!