Ghe xe chi sbava par l’america ghe xe chi lassa el cuore in Africa,

e come in merica se andava così dal’Africa se riva par la stessa rason.

Ghe xe chi vive par la fabrica e chi va fora con la musica,

e par chi sogna un posto in fabrica xe sempre la solita solfa... mi credo.

Ma ti picola vita in disparte, ti che te ne bussi ale porte, solo, in te na strada deserta.

Emarginà te si, unico eroe de sto tenpo, sconto dentro un sacheto de pan,

ti che non te sè fare sensa de un ricordin su la credensa.

Ghe xe chi vive par la machina e se la lava e se la lucida,

chi magna pan con la bioetica e chi el salado sconto in caneva,

chi fa el bagno dentro l’Astego, chi se contenta de la Posena,

chi vole la rivolussion e chi la sagra nel tendon par salvar la stagion.

Ma ti picola giossa de sangue ti lagrima persa dal mar, fora de qua soto le stele a pregare.

Che spunte l’alba ti unico eroe de sto tenpo, vivo dentro na bola de fà, ti che non te voi fare sensa

de un ricordin sula credensa.

E guai se la cambia e fn che ‘a dura me ligo streto a sta cultura.

E guai se la cambia e fn che ‘a dura ma quel che cambia fa paura.

Ma passarà come passa el tenpo e canbiarà tuto in te un momento.

E cambiarà come cambia el vento vecio futuro senpre in movimento.