Su l’altipiano dei sete comuni e dei to bei vintiani un organo su in ciesa da sonareala domenega matina polenta e late da spartire fra tante boche verte prima par magnare e dopo par pregare.

Ti che te tocavi co la testa el cielo magro soto el sole dele to montagne a benedire col sudore el giorno che sarà la neve a scondare quela sabia dura da cavare soto el so gelido candore.

E queste quatro strasse che me porto indosso xe tuto quanto quelo che de ti me resta un tenpo xera tuto el to tesoro el xera el to vestito dela festa.

Col vestito dela festa i montanari riva zo boni e in fla i se presenta par tirare la pension.

Azarele funghi soche fero da recuperare qualcosa in tuti quanti a casa se portava, el bosco xera come na dispensa granda e la montagna che lo custodiva un canpo de bataglia. Ma quea montagna xera forse un presso massa alto da pagare e la pianura na promessa ai foi da mantegnere così te ghè deciso de provare a caminare vardando da distante i monti come che fa el mare.

E un giorno te ghè visto na fotografa trentani te gavevi el vento li portava via bela invesse ela come na madona, na preghiera, un sogno de nome Maria. Sul treno che l’italia tuta traversava i fori pronti par la corte e la dichiarassion, le braghe da aqua alta e na giacheta strana al ciaro dei lanpioni te parevi bon al ciaro dei so oci dentro na stassion.

E queste quatro strasse che me sento indosso xe tuto quanto quelo che de ti me resta, un tempo xera tuto el to tesoro el xera el to vestito dela festa.

Co le braghe de fustagno nei zenoci consumà no par vissio de preghiera ma par giornata guadagnà.

E in mèso a staltro campo nati xe i to fori, nel sangue mèsi cinbri e par metà teroni, ombra e sole, acua e tera che li cresse, Nord e Sud de sto gran bel paese. E da sto campo quando ancora desso vardo in alto sprofondo nei to oci azuri più del cielo e serco disperà un canton de paradiso par ritrovare almeno la metà de la bontà del to bel viso.

E in queste quatro strasse che me sento indosso go tuto quanto quelo che de ti me resta un tempoel xera tuto el to tesoro ma adesso xe el me vestito dela festa.

Col vestito dela festa i montanari riva zo come indiani de riserva i se tira l’atension.

Col vestito dela festa i montanari riva zo boni e in fla i se presenta par tirare la pension.