No fa girare el mondo sto andare senpre intorno se trovaremo a sera col culo zo par tera.

Forse no se ga capjo quel che move par davero el senso del cantar co vosse che no tremale picole storie de un tenpo che xe andà.

Forse no se ga capjo cosa mai te porta a dire che ne fa mal de pansa tuta sta baldansa che par rivare in alto no serve petotar.

Non so sa me spiego o se vu me capì. Forse no se ga capjo forse no me son spiegà ma se la xe ancora tanta la voja de creansa par l’ultimo che riva calcossa vansarà.

No xe ca ne piasa farsela dosso controvento fermi a vardare el mondo che core e che va via, lassandone in regalo strasse ossi e fero vecio e in granaro la paura de ciaparse indrio, in casa sarà via .La Cucagna xe fnia , el Santo Roco xe scapà. La Cucagna xe fnia , anca l’oco i ga robà.

Me tegno bon (faremo un girotondo) quelo che gò in memoria (tuti in torno al mondo) sarà el pretesto (e cascaremo in tera) par contare n’altra storia (tegnendose par man).

Saladi pignate, guciaro e piron, polastri e fasui, crinto e pincion, grasso e magnesio, tuto in tel minestron, farina in tel saco del Barbassucon. Ariva el Babau, el ne mostra le seste e nialtri bauchi ghe fasemo le feste. Ariva el Babau, el ne mostra le seste, ma quel Sacranon el ne riporta la peste.